بلاگ قارئین سے رابطہ، آسان ترین ذریعہ
گزشتہ ایک ڈیڑھ سال سے اردو بلاگنگ کا دامن وسیع سے وسیع تر ہوتا جا رہا ہے اور ہر ایک دو ماہ بعد ایک سے بڑھ کر ایک بلاگر اس میدان میں قدم رکھ رہا ہے۔ انہی میں سے ایک ہمارے نئے بلاگر ریاض شاہد صاحب ہیں، جو تاریخ و اسلام کے موضوعات پر تو اپنے قلم کے جوہر دکھا ہی رہے ہیں لیکن انہوں نے تکنیکی طور پر اپنے بلاگر ساتھیوں کو نئی معلومات سے آگاہ کرنے کا بھی بیڑہ اٹھا رکھا ہے۔
ابھی گزشتہ دنوں انہوں نے اپنے قارئین سے فوری طور پر منسلک رہنے کے لیے جی میل کو اپنے بلاگ میں نصب کرنے کا طریقہ پیش کیا جو کئی بلاگرز کے لیے کارآمد ہوگا۔
لیکن افسوس کہ یہ طریقہ محض جی میل تک ہی محدود ہے۔ میں نے سوچا کہ اس کا دائرہ تھوڑا وسیع کرتے ہیں تاکہ زیادہ سے زیادہ لوگ اس سے فائدہ اٹھا سکیں۔ تو جی ہم آپ کو متعارف کرواتے ہیں میبو سے۔
میبو فوری پیغام رسانی (instant messaging) کا ایک ٹول ہے اور اس کا میبو بار دراصل آپ کے بلاگ کے لیے ہے تاکہ آپ کے قارئین آپ کے مواد کو فیس بک، ٹویٹر اور دیگر سوشل نیٹ ورکنگ ویب سائٹس کے ذریعے پھیلا بھی سکیں اور آپ سے ہمہ وقت رابطہ میں بھی رہ سکیں۔ آپ میبو کے اکاؤنٹ میں اپنے یاہو، ایم ایس این، جی میل، فیس بک، آئی سی کیو، اے آئی ایم وغیرہ کے کھاتوں کو یکجا کر سکتے ہیں اور اپنی ویب سائٹ سے تمام بلاگ قارئین اور روابط سے منسلک ہو سکتے ہیں۔ میبو بار انتہائی سادہ و کارآمد بار ہے۔ اس کے لیے آپ کو سب سے پہلے میبو پر اپنا اکاؤنٹ بنانا ہوگا جو بالکل مفت ہے۔ پھر آپ انٹیگریشن وزرڈ کے ذریعے با آسانی اس بار کو اپنے بلاگ میں شامل کر سکتے ہیں۔
اس بار کو آپ وکی نامہ پر دیکھ سکتے ہیں۔ اگر پسند آئے تو اسے ضرور استعمال کیجیے اور اپنے قارئین سے فوری طور پر منسلک ہو جائیے۔
خوب
ابو شامل صاحب
اسلام علیکم . اپنے بلاگ پر مجھے اچھے الفاظ میں یاد کرنے کا شکریہ . اس تعریف کا میں یقینا مستحق نہیں . میبو کے بارے میں آگاہ کرنے کا شکریہ . آپ کے مضامین کی فہرست دیکھی ، میں یقینا انہیں فرصت میں دیکھنا پسند کروں گا
ارے ریاض شاہد صاحب! یہ کیا بات کہہ دی آپ نے کہ آپ اس تعریف کے مستحق نہیں۔ آپ کے قارئین کا حلقہ تو وسیع تر ہوتا جا رہا ہے اور مجھے خوشی ہے کہ آپ جیسے وسیع المطالعہ افراد کے قارئین میں ہمارا شمار بھی ہوتا ہے۔ میرے ناقص مضامین پر نظر ڈالنے کا مشکور ہوں گا۔
بہت اچھی معلومات ہیں فہد بھائی.. یہ چیزیں بڑی اہم ہوتی جارہی ہیں بلاگنگ کے لیے..
بہت خوب زبردست… ماشاءاللہ بلاگنگ کے متعلق آج کل تو بہت اچھی اچھی معلومات مل رہی ہیں. اللہ کرے زور قلم اور زیادہ ہو…
ابو شامل صاحب پوسٹ کا بہت بہت شکریہ
وکی پر جو سٹیٹس بار آرہی ہے وہ ہے تو میبو کی
لیکن میں نے میبو پہ رجسٹریشن کروائی ہے تو مجھے اس بار کا کوئی آپشن نظر نہیں آیا
ڈفر! آپ اس پتے پر جائیں۔ یہاں آپ کو تمام آپشن نظر آئیں گے۔ ویسے میں نے اوپر لنک دیا تھا اس کا
۔
ابو شامل بھائی یہ جو آپ کے بلاگ پر بار آ رہی ہے میبو کی طرح کی یہ کسی پلگ ان یا سائیٹ کی وجہ سے ہے یا پھر تھیم میں ہی شامل ہے. کیا اس بارے میں کچھ بتائیں گے.
بلال! یہ بھی میبو کی طرح ایک سائٹ ہی کا بار ہے۔ جسے یہاں سے حاصل کیا جا سکتا ہے۔ اسے wibiya کہتے ہیں جو میں نے پہلی بار ڈفر کے بلاگ پر دیکھا، انہوں نے ہی مجھے اس سے متعارف کروایا۔
بہت شکریہ جناب میں نے بھی یہ بار اپنے بلاگ پر انسٹال کر لی ہے. ایک بار پھر آپ کا اور ڈفر کا بہت بہت شکریہ.