ابوشامل » اردو وکیپیڈیا

وکی نامہ

ابوشامل — Mon, 25 Jan 2010 06:34:17 +0000

2007ء کے اواخر میں مختلف ساتھیوں کی تحریک میں نے انٹرنیٹ پر اپنی سرگرمیوں کا دائرہ وسیع کرتے ہوئے بلاگنگ کی دنیا میں قدم رکھا۔ اس وقت بلاگنگ کے بارے میں “ککھ” نہیں پتہ تھا اور نہ ہی اسے مستقل بنیادوں پر جاری رکھنے کا ارادہ تھا۔ لیکن جتنے اچھے ساتھی اس میدان میں میسر آئے اور ان کی حوصلہ افزائی اور بلاگنگ سے خود کو پہنچنے والے فوائد کے باعث اسے نہ صرف مستقل چلا پایا بلکہ تحریروں کی “ڈبل سنچری” تک کر ڈالی۔

اب تک میرے بلاگ پر پیش کی جانے والی 200 تحاریر پر تقریباً 1750 تبصرے ہو چکے ہیں جو میری توقعات سے کہیں زیادہ ہیں۔ ویسے میں ذاتی طور پر بلاگ کا حوالہ بہت زیادہ نہیں دیتا لیکن جہاں ضرورت پڑتی ہے وہاں یہی کہتا ہوں کہ میرے بلاگ پر تحریر سے زیادہ تبصرے سیر حاصل ہوتے ہیں، اور یہ سب ان تبصرہ نگاروں کی بدولت ہے جو اپنا قیمتی وقت لگا کر کسی موضوع کر قابل گفتگو سمجھتے ہیں۔

اس “ڈبل سنچری” کی خوشی میں نے اپنے بلاگ پر ایک قدم آگے بڑھایا ہے اور وہ ہے وکیپیڈیا پر لکھے گئے بہترین مضامین کی بلاگ پر منتقلی تاکہ بلاگ دنیا سے وابستہ افراد اپنے قیمتی تبصروں کے ذریعے ان مضامین کو مزید بہتر بنا سکیں یا پھر نت نئے مضامین کی راہ دکھا سکیں۔ ابھی گزشتہ بلاگرز ملاقات میں ایک مرتبہ پھر کئی بلاگرز نے مطالبہ کیا کہ میں اپنے لکھے گئے وکیپیڈیا کے مضامین کو اپنے بلاگ پر منتقل کروں اور اس ضمن میں سب ڈومین بنا کر اس پر کام کا آغاز کرنے کی تجویز دی گئی۔ تکنیکی دشواریوں کے باعث میں نے عذر تراشا کہ میرے لیے یہ ممکن نہیں لیکن اردو بلاگرز بھی بڑے سیانے نکلے، عمار ضیاء خان نے چند ہی گھنٹوں میں میرے بلاگ پر سب ڈومین بنا کر اس میں ورڈپریس انسٹال کر کے حوالے کر دیا کہ اب آپ جانیں اور آپ کا نیا بلاگ۔

تو صاحبو! اب ہم پر ایک اور بلاگ لاد دیا گیا ہے “وکی نامہ” جہاں میں فی الوقت تو وکیپیڈیا پر لکھے گئے بہترین مضامین کو پیش کرنے میں جتا ہوا ہوں لیکن ایک مرتبہ بڑی تعداد میں مضامین منتقل ہو جانے کے بعد میرا ارادہ اس کو بلاگنگ کی دنیا میں اردو وکیپیڈیا کے ترجمان کے طور پر پیش کرنے کا ہے۔ لیکن فی الوقت اسے صرف مضامین تک ہی محدود رکھوں گا۔

وکی نامہ کو بہتر بنانے کے لیے مجھے قارئین کی مدد ہمیشہ کی طرح اب بھی درکار ہوگی۔ امید ہے کہ ساتھی اس سلسلے میں ضرور اپنی قیمتی آراء سے نوازیں گے۔

ابو شامل کا وکی نامہ

پاکستان کی سیاسی جماعتیں- مدد درکار

ابوشامل — Mon, 25 Jan 2010 06:01:20 +0000

اردو وکیپیڈیا پر پاکستان کے حوالے سے مقالوں پر کام کرنے کے دوران موجودہ و سابق معروف قومی سیاسی جماعتوں کے پرچموں کی ضرورت بھی پڑی اور بہت سارے پرچم وکی میڈیا کامنز میں مل گئے لیکن چند جماعتیں ایسی بھی تھیں جن کے پرچم موجود نہیں تھے۔ “اپنی دنیا آپ پیدا کرنے” کا عزم لے کر ناموجود پرچم خود بنانے کی ٹھانی۔ ابتدائی طور پر جن پرچموں کی نشاندہی کی گئی، انہیں معروف اوپن سورس ویکٹر گرافکس سافٹ ویئر انک اسکیپ پر بنایا گیا۔ نتائج آپ ذیل میں دیکھ سکتے ہیں، یہ صرف امیچز ہیں، آپ پرچم پر کلک کر کے ویکٹر ڈاؤنلوڈ کر سکتے ہیں:

متحدہ مجلس عمل کا پرچم

نیشنل پارٹی بلوچستان کا پرچم

بلوچستان نیشنل پارٹی کا پرچم

جمعیت علمائے اسلام کا پرچم

اسلامی جمہوری اتحاد کا پرچم

اب اس سلسلے کو کچھ مزید آگے بڑھانے کا ارادہ ہے۔ اگر بلاگ قارئین پہلے وکی میڈیا کامنز کے اس زمرے پر ایک نظر ڈالیں، یہاں میرے اور دیگر وکی صارفین کے تیار کردہ پاکستان کی قومی سیاسی جماعتوں کے جھنڈے موجود ہیں۔ اس فہرست کو دیکھنے کے بعد براہ مہربانی نشاندہی کریں کہ وہ کون سی معروف قومی سیاسی جماعتیں ہیں جن کے پرچم موجود نہیں ہیں اور بعد میں ان پرچموں کا کوئی بھی نمونہ پیش کر دیں ، چاہے وہ کسی بھی فارمیٹ میں ہو، تو اس کام کو مزید آگے بڑھایا جا سکے گا۔ امید ہے کہ بلاگ کے قارئین اس سلسلے میں میری اور اردو وکیپیڈیا کی ضرور مدد کریں گے تاکہ اردو کی ترویج کو ہر سمت میں آگے بڑھایا جا سکے اور پاکستان کے حوالے سے معلومات کو بہتر سے بہترین بنایا جا سکے۔

بلاگ بھگوڑے کی سرگرمیاں

ابوشامل — Mon, 28 Dec 2009 20:26:36 +0000

اردو وکیپیڈیا پر کام کرنے کا دورانیہ اس مرتبہ کچھ ایسا بڑھا ہے کہ بلاگنگ سے توجہ بالکل ہٹ گئی ہے۔ گو کہ پہلے بھی کبھی بہت زیادہ مستقل مزاجی کے ساتھ بلاگ نہيں لکھا لیکن ایسے طویل وقفے پہلے کبھی نہیں آئے جو اب آ رہے ہیں۔ امید ہے کہ وکیپیڈیا پر جاری منصوبے جلد تکمیل کو پہنچیں گے اور بلاگ کی جانب کچھ توجہ کرنے کا وقت ملے گا۔ دوسری طرف منظرنامہ ایوارڈ کے لیے ووٹنگ کا بھی آغاز ہو چکا ہے اور ووٹنگ کے خاتمے میں محض چند روز باقی ہیں۔ اتنے اعلی بلاگرز کی فہرست میں خود کو پا کر بہت خوشی ہوتی ہے اور ساتھ ہی اپنی نالائقی پر شرمندگی بھی۔ تاہم میری التجا یہی ہوگی کہ حقدار کو اس کا حق ضرور دیں اور دوستیاں نبھانے کے بجائے حقدار کو ووٹ دیں۔

چلیے اب یہاں بلاگ پر آ ہی گئے ہیں تو وکیپیڈیا پر اپنے لکھے گئے کچھ تازہ ترین مضامین سے ہی آگاہ کرتے جائیں۔ میں نے اس حوالے سے گزشتہ تحریر میں بتایا تھا کہ انگریزی وکیپیڈیا پر پاکستان کے حوالے سے مقالہ جات کا حال بہت برا ہے اور اس لیے اردو وکیپیڈیا پر میں نے اور چند دیگر ساتھیوں نے ارادہ کیا ہے کہ اردو وکیپیڈیا پر پاکستان کے حوالے سے مقالوں کو بہتر شکل دی جائے اور انہیں انگریزی والوں کے لیے رہنما بنایا جائے۔ اسی لیے آج کی فہرست میں پاکستان کے حوالے سے مقالہ جات زیادہ ہیں۔ امید ہے بلاگ کے قارئین کی معلومات میں اضافہ ہوگا۔ ساتھ ہی یہ گزارش بھی ہے کہ اگر اغلاط نظر آئیں یا کسی معلومات کے اضافے کا ارادہ ہو تو بلا جھجک ان مضامین میں اضافہ فرماتے جائیں۔ ان مضامین میں سے چند ایسے ہیں جن میں دیگر وکی ساتھیوں کا تعاون بہت حد تک شامل رہا ہے۔

بلاگ ماہرین میری مدد کریں کہ یہاں میرے بلاگ پر چند مقامات پر بجائے متن کے سوالیہ نشان بنے آ رہے ہیں۔ یہ مسئلہ بیٹھے بیٹھے نجانے کہاں سے آ گیا۔ اسے حل کرنے میں میری کچھ مدد کریں، مشکور ہوں گا۔

پاکستان

اہم سرکاری عہدے

سیاسی جماعتیں

انتظامی تقسیم

قومی شاہراہیں

کراچی کے قصبہ جات

متفرق مضامین

بریٹ لی ‏ – آسٹریلیا کے مشہور تیز گیند باز
الجزائر شہر ‏- الجزائر کا دارالحکومت
دی نیو یارکر – مشہور امریکی جریدہ
سخوئی 27 ‏ – روس کا تیار کردہ لڑاکا طیارہ
سخوئی 35 -روس کا تیار کردہ لڑاکا طیارہ
شعلے – مشہور بھارتی فلم
مائیک ہسی – آسٹریلیا کے معروف بلے باز
مگ-29 – روس کا تیار کردہ لڑاکا طیارہ
ویلنگٹن – نیو زیلینڈ کا دارالحکومت

وکیپیڈیا سرگرمیاں

ابوشامل — Wed, 02 Dec 2009 11:08:08 +0000

گزشتہ چند ہفتوں سے وکیپیڈیا پر سرگرمیاں کچھ زیادہ بڑھ گئی ہیں اور بلاگ پر توجہ کچھ کم ہوئی ہے، کبھی کبھی یہ بھی سوچا کہ شاید خاک وہیں پہنچ گئی ہے جہاں کا خمیر تھا کیونکہ میں نے انٹرنیٹ پر اردو کے لیے اپنی سرگرمیوں کا آغاز وکیپیڈیا ہی سے کیا تھا لیکن پھر بلاگ قارئین کا خیال آیا تو یہاں کا رخ کرنے کی جانب مائل ہوا، کیونکہ میں اپنے بلاگ کا اصل اثاثہ ان قارئین کو سمجھتا ہوں جو اپنے قیمتی تبصروں سے نوازتے ہیں۔

گزشتہ چند دنوں میں چند ساتھی ایسے سامنے آئے جو وکیپیڈیا کا رونا روتے رہے۔ حیرت بھی ہوتی ہے، افسوس بھی ہوتا ہے، شاید غصہ بھی آتا ہو لیکن کیا کیجیے؟۔ تقریبا تمام ہی لوگ اردو وکیپیڈیا پر “مشکل اردو” کا رونا روتے دکھائی دیتے ہیں جبکہ اب صورتحال یہ ہے کہ میری بلاگ پر گزشتہ تحاریر کے بعد انتظامیہ نے اس معاملے پر کھلی چھٹی دے رکھی ہے کہ دیکھتے ہیں معترضین کیا انقلابی اقدامات اٹھاتے ہیں۔ لیکن اب وہ بڑے بڑے معترض حضرات وکیپیڈیا پر نہیں دکھائی دے رہے جو اپنے بلاگز پر یا بالمشافہ و آن لائن ملاقاتوں میں وکیپیڈیا کی “زبوں حالی” کا رونا روتے دکھائی دیتے ہیں اور زبان کے غم میں مرے جاتے ہیں۔ میرا ان تمام ساتھیوں سے مطالبہ ہے کہ آئیے اردو سے اپنے لگاؤ کو ظاہر کیجیے، آپ کے لیے میدان کھلا ہے، اپنے قلم کا جادو دکھائیے اور بتائیے کہ اردو اب بھی ایک زندہ زبان ہے۔ لیکن شاید یہ پکار بھی صدا بہ صحرا ثابت ہوگی۔

میں پہلے بھی کئی مرتبہ کہہ چکا ہوں کہ اصطلاحات کے مسئلے سے دور ہٹ کر ایسے ہزاروں موضوعات ہیں جن پر اردو میں معلومات منتقل کرنے کی فوری ضرورت ہے لیکن شاید لوگوں کو اپنی ڈیڑھ اینٹ کی مسجد بنانے کا شوق ہے۔ ایک بہت بڑے اردو فورم نے بھی اپنی مسجد الگ بنانے کی کوشش کی تھی اور اردو وکیپیڈيا کے مقابلے پر ایک الگ “انسائیکلوپیڈیا” سجانے کا اعلان کیا لیکن آدھی اینٹ ہی اٹھا پائے اور آج ان کا ڈومین تک بند ہو چکا ہے۔ بہت اچھا ہوتا اگر ان کی کوششیں ایک مشترکہ منصوبے پر لگتیں لیکن انا اور ضد کا کیا کیا جائے؟

کوئی مجھے یہ بتائے کہ متنازع اصطلاحات کے حامل مضامین کی تعداد اردو وکیپیڈیامیں کتنی ہے؟ 10 فیصد؟ 20 فیصد یا زیادہ سے زیادہ 30 فیصد؟ باقی 70 فیصد کام کو کتنا سراہا گیا؟ اس سلسلے میں کام کرنے والوں کی کتنی حوصلہ افزائی کی گئی؟ میرے علاوہ تو کوئی اور بلاگ بھی نہیں لکھتا کہ اسے اپنی دل کی بھڑاس نکالنے کا موقع ملے۔ کبھی کسی “اردو کے عاشق” نے وکیپیڈیا پر جا کر ان کی کوششوں پر انہیں سلام پیش کیا؟ کبھی مسجد، افغانستان، شام، عراق، تونس، لبنان، صلیبی جنگیں، غزوۂ بدر، قرآن مجید کی سورتوں پر مضامین دیکھنے کے بعد کسی کو توفیق ہوئی کہ ان ہزار ہا الفاظ پر مشتمل معلومات کے مصنفین کو دو لفظ خراج تحسین کے کہہ دیں۔ باقی اصطلاحاتی انتشار کا ڈھنڈورا پیٹنے کے لیے تو ہر شخص اپنی قابلیتیں جھاڑتا دکھائی دیتا ہے۔ اصطلاحات پر تحفظات مجھے بھی ہیں، اور میں ان کا اظہار بھی بارہا وکیپیڈیا پر اور بلاگ پر کر چکا ہوں، لیکن اس کا ہر گز یہ طریقہ نہیں ہے جسے ہمیشہ ہماری اردو کی “عاشق” برادری استعمال کرتی ہے کہ اردو وکیپیڈیا اور اس کے منتظمین و صارفین کو تذلیل کا نشانہ بنایا جائے۔ چند دوست ایسے بھی ہیں جنہوں نے ہمیشہ سنجیدہ انداز میں اس معاملے کو سلجھانے کی کوشش کی بلکہ چند نے عملا وکیپیڈيا پر حصہ ڈالنا بھی شروع کیا لیکن بیشتر ساتھی ایسے ہیں جو فورا ہی دامن جھاڑ کر اٹھ جاتے ہیں کہ وکیپیڈیا والے تو اردو کی ایسی تیسی پھیر رہے ہیں۔ اور یہ ایک جملہ کہہ کر وہ مکمل طور پر بری الذمہ ہو جاتے ہیں اور اس اہم منصوبے کو پیروں تلے روند کر گزر جاتے ہیں۔

بہرحال اس جذباتی تقریر کے بعد مدعا یہ ہے کہ گزشتہ دو ماہ سے اردووکیپیڈیا پر مصروف ہوں، بلاگ پر تحاریر بہت کم ہو گئی ہیں، جس کا احساس ہے لیکن طبیعت کی ناسازی فارغ وقت میں بلاگ کے لیے کچھ لکھنے کا موقع نہيں دے رہی۔ کوشش کروں گا کہ بلاگ کے لیے جلد از جلد کچھ لکھ پاؤں۔ فی الحال بلاگ کے کرم فرما وکیپیڈيا پر لکھے گئے تازہ مضامین ملاحظہ کریں۔

بلاد و اماکن

آبادان‏ – عراق کی سرحد کے قریب واقع ایک ایرانی شہر
ابوجا‏ – نائجیریا کا موجودہ دارالحکومت، باقاعدہ منصوبہ بندی کے تحت قائم کیا گیا شہر
ارومچی‏ – چین کے مسلم اکثریتی صوبہ سنکیانگ کا دارالحکومت
ازنیق‏ – ترکی کا ایک قدیم شہر جو یونانی عہد میں نیقیہ کہلاتا تھا
اسٹینلے‏ – جزائر فاکلینڈ کا دارالحکومت
بلغراد‏ – سربیا کا دارالحکومت
جوہانسبرگ‏ – جنوبی افریقہ کا ایک اہم شہر
عین شمس‏ – مصری دارالحکومت قاہرہ کا ایک قدیم علاقہ
کاشغر‏‏ – چین کے مسلم اکثریتی صوبہ سنکیانگ کا ایک اہم شہر
کویت شہر‏ – کویت کا دارالحکومت
ماپوتو‏ – موزمبیق کا دارالحکومت
ملبورن‏ – آسٹریلیا کا ایک اہم شہر و بندرگاہ، کھیلوں کے حوالے سے دنیا بھر میں معروف
ممباسا‏ – کینیا کا ایک اہم شہر و بندرگاہ
موریہ‏ – یونان کا جزیرہ نما
نواکشوط‏ – موریتانیہ کا دارالحکومت
ہرارے‏ – زمبابوے کا دارالحکومت

جغرافیہ

برقہ‏ – لیبیا کا ایک جزیرہ نما جسے انگریزی میں سائرینیکا (Cyrenaica) کہا جاتا ہے
جربہ‏ – بحیرۂ روم میں تونس کا ایک جزیرہ
کوہ کینیا‏ – کینیا کا بلند ترین اور افریقہ کا دوسرا سب سے بلند پہاڑ، عالمی ثقافتی ورثے میں شامل
المغرب ‏‏ – جغرافیائی اصطلاح، مغربی افریقہ کے لیے استعمال کی جاتی ہے، عموما مراکش کو کہا جاتا ہے

پاکستان

فہرست وزرائے اعلیٰ سرحد‏ – پاکستان کے صوبہ سرحد کے وزرائے اعلیٰ کی فہرست

سندھ کے اضلاع

اس مرتبہ پاکستان کے اضلاع کے بارے میں مضامین کو مکمل کرنے کی ایک مہم کا آغاز کیا گیا اور ابتدائی طور پر سلمان رضوی صاحب نے پنجاب کے اضلاع اور میں نے سندھ کے اضلاع پر مختصر مضامین لکھنے کی ٹھانی۔ میرے لیے پہلا اور کٹھن مرحلہ سندھ کے اضلاع کے درست اور تازہ ترین نقشے اور ان کی درست معلومات کی دستیابی کا تھا جس میں کافی وقت صرف ہوا بلکہ یہ کہنا درست ہے کہ درست نقشوں کی تیاری نے اس مرتبہ کافی وقت ضایع کروایا بہرحال سندھ کے اضلاع کے درست ترین نقشے اور معلومات کے ساتھ پہلی مرتبہ پوری معلومات انٹرنیٹ پر دستیاب ہوئی ہے۔ یہ معلومات نہ ہی حکومت سندھ کی ویب سائٹ پر موجود ہے اور نہ ہی ضلعی حکومتوں کے مضامین میں بلکہ انگریزی وکیپیڈیا پر بھی غلط معلومات کی بھرمار ہے۔

سندھ کے اضلاع ‏‏ – سندھ کے تمام اضلاع کی فہرست
سندھ کی تحصیلیں‏ – سندھ کی تمام تحصیلوں کی فہرست
ضلع بدین‏
ضلع تھرپارکر‏
ضلع جامشورو‏
ضلع جیکب آباد‏
ضلع حیدرآباد‏
ضلع خیرپور‏
ضلع دادو‏
ضلع سانگھڑ‏
ضلع سکھر‏
ضلع شکارپور‏
ضلع عمرکوٹ‏
ضلع قمبر-شہدادکوٹ‏
ضلع کراچی‏
ضلع کشمور‏
ضلع گھوٹکی‏
ضلع لاڑکانہ‏
ضلع مٹیاری‏
ضلع میرپور خاص‏
ضلع نواب شاہ‏
ضلع نوشہرو فیروز‏
ضلع ٹنڈو الہ یار‏
ضلع ٹنڈو محمد خان‏
ضلع ٹھٹہ‏

علاوہ ازیں ضلع کراچی اور اس کے قصبہ جات (ٹاؤنز) پر مضامین لکھنے کا آغاز کیا گیا ہے اور ابھی تک تین مضامین لکھے جا چکے ہیں:

متفرق

برج دبئی‏ – دنیا کی بلند ترین عمارت
بلند ترین عمارات ‏‏ – دنیا کی بلند ترین عمارات کی فہرست

تاریخ

جنگ آزادی بنگلہ دیش ‏‏ – بنگلہ دیش کی پاکستان سے علیحدگی کے لیے لڑی جانے والی جنگ، مضمون ابھی ابتدائی صورت میں ہے

ترکیات

رجب طیب اردوغان‏ – ترکی کے موجودہ وزیر اعظم
فہرست صدور ترکی‏ – ترکی کے صدور کی فہرست
نامق کمال‏ – ترکی کے مشہور قوم پرست شاعر و ادیب

اردو وکیپیڈیا پر تازہ سرگرمیاں

ابوشامل — Thu, 12 Nov 2009 11:16:02 +0000

گزشتہ چند ہفتوں سے بلاگ سے غیر حاضری کی وجہ یہ تھی کہ بہت عرصے بلکہ سالوں کے بعد اردو وکیپیڈیا پر بھرپور انداز میں متحرک ہوا اور کافی مضامین تحریر کیے۔ فی الوقت مضامین لکھنے کا یہ سلسلہ بھرپور انداز میں جاری ہے، سنچری کے بعد ناٹ آؤٹ اننگ جاری ہے۔ ذیل میں حال ہی میں تحریر کردہ مضامین کی فہرست پیش کر رہا ہوں، امید ہے بہت سارے قارئین کے لیے کارآمد ہوں گے۔ مضامین کی یہ فہرست حروف تہجی کے اعتبار سے ترتیب دی گئی ہے۔ چند مضامین صرف ابتدائی صورت میں ہیں، ان میں وقتا فوقتا اضافہ کیا جاتا رہے گا۔ اس مرتبہ یہ فہرست کچھ زیادہ طوالت کا شکار ہے اس لیے اگر کوئی پڑھ پڑھ کر تھک جائے تو اس سے پیشگی معذرت۔

تاریخ

امارت بخارا – وسط ایشیا کی ایک ریاست، 1785ء تا 1920ء
پرل ہاربر حملہ – دوسری جنگ عظیم کا ایک اہم معرکہ، جنگ کا پانسہ پلٹنے میں اس معرکے کا اہم کردار تھا۔
جنگ ویت نام – دور جدید کی ایک اہم جنگ، ویت نام میں اشتراکیوں کی فتح اور موجودہ ریاست کا قیام
چنگ خاندان – یا مانچو خاندان، چین پر حکومت کرنے والا آخری خاندان
خانان خیوہ – وسط ایشیا کی ایک سابق ریاست، 1511ء تا 1920ء
خدیو – عثمانی عہد میں مصر کے والی کا لقب۔
سیاہ موت – قرون وسطی میں یورپ میں طاعون کی ایک زبردست وبا، بڑے پیمانے پر ہلاکتوں کے باعث Black Death کے نام سے یاد کیا جاتا ہے۔
عظیم کھیل – 19 ویں و 20 ویں صدی میں وسط ایشیا پر بالادستی کے لیے روس اور برطانیہ کے درمیان مسابقت کے بارے میں استعمال ہونے والی اصطلاح
کساد عظیم – 1930ء کی دہائی میں امریکی و عالمی معیشت کا ایک زبردست بحران Great Depression
محاصرۂ مالٹا – عثمانی ترکوں کی جانب سے بحیرہ روم کے جزیرے مالٹا کا ناکام محاصرہ
معاہدۂ ورسائے – پہلی جنگ عظیم کے بعد جرمنی اور اتحادی قوتوں کے درمیان طے پانے والا معاہدہ
نازی جرمنی – دوسری جنگ عظیم سے قبل نازی پارٹی اور ایڈولف ہٹلر کے زیر اقتدار جرمنی
نشاۃ ثانیہ –قرون وسطی میں جہالت کے اندھیروں سے یورپ کی کروٹ، مغرب میں ایک نئے دور کا آغاز

شخصیات

آندرے اگاسی – ٹینس کی دنیا کے معروف امریکی کھلاڑی
ایو ساں لاریں – دنیائے فیشن کی مشہور شخصیت
بورس بیکر – ٹینس کے معروف جرمن کھلاڑی
جیسی اوونز – مشہور سیاہ فام کھلاڑی جنہوں نے نازی جرمنی میں ہونے والے اولمپک میں —- سونے کے تمغے جیتے
جیمز کک – جہاز رانی اور مہم جوئی کی دنیا کا عظیم نام، کپتان نے آسٹریلیا اور نیو زیلینڈ سمیت بحر الکاہل کے کئی جزیرے دریافت کیے۔
چودھری غلام محمد – جماعت اسلامی کے اولین رہنماؤں میں سے ایک
عبد الحمید صدیقی – مترجم و مفسر قرآن، محقق
فرڈیننڈ میگلان – پرتگیزی جہاز راں، دنیا کے گرد چکر کاٹنے والی مہم کے قائد، بحر الکاہل کا نام رکھا
الفریڈ ہچکاک – مشہور برطانوی ہدایت کار، پر اسرار فلموں میں مایہ ناز مقام رکھتے ہیں
کرسٹوفر لی – مشہور اداکار، جناح میں قائد اعظم کا کردار ادا کیا، حال ہی میں سر کے خطاب سے نوازے گئے۔
ماؤ زے تنگ – عوامی جمہوریہ چین کے بانی، صدی کی 100 موثر ترین شخصیات میں سے ایک
مارتینا نیوراتیلووا – بلاشبہ دنیائے ٹینس کی عظیم ترین خاتون کھلاڑی
مارک ٹوین – مشہور امریکی مزاح نگار
مارٹن لوتھر کنگ جونیئر – نسلی امتیاز کے خلاف جدوجہد کرنے والے عظیم سیاہ فام رہنما
محمد عاکف ارصوی – ترکی کے شاعر اسلام اور موجودہ قومی ترانے کے خالق
میری کیوری – عظیم خاتون سائنسدان
میریلن مونرو – ہالی ووڈ کی معروف اداکارہ
نادیہ کومانچی – ایتھلیٹکس کی دنیا کا مشہور نام
نذیر احمد – سابق رکن قومی اسمبلی، جاگیرداروں کے ہاتھوں قتل ہوئے
نکول کڈمین – ہالی ووڈ کی مشہور اداکارہ
ولبھ بھائی پٹیل – آزادئ ہند کے لیے کام کرنے والے کانگریسی رہنما، بھارت کے پہلے وزیر داخلہ
ولیم بیرنٹس – مشہور ولندیزی مہم جو اور جہاز راں
ونسنٹ وان گوف – دنیا کے معروف ترین مصوروں میں سے ایک
وولف گینگ موزارٹ – مشہور موسیقار
ڈونلڈ بریڈمین – کرکٹ کی دنیا کے عظیم ترین بلے باز
ڈیاگو میراڈونا – عظیم فٹ بال کھلاڑیوں میں سے ایک
ڈیوڈ لونگ اسٹون – افریقہ میں مہم جوئی کرنے والی برطانوی شخصیت
ہنری فورڈ – گاڑیاں بنانے میں انقلابی تبدیلیاں لانے والے، فورڈ کمپنی کے بانی
یحییٰ کمال بیاتلی – عظیم ترک شاعر، پاکستان میں ترکی کے پہلے سفیر
یوہانس گوٹن برگ – چھاپے خانے کے موجد

بلاد و اماکن

برسلز – بیلجیئم کا دارالحکومت
بیونس آئرس – ارجنٹائن کا دارالحکومت
ترکی – ایشیا و یورپ کے سنگم پر واقع ایک اہم ملک
تل ابیب – اسرائیل کا اہم ترین شہر
تونس شہر – تونس کا دارالحکومت
الجزائر شہر – الجزائر کا دارالحکومت
ریو دے جینیرو – برازیل کا مشہور شہر
ساؤ پالو – برازیل کا سب سے بڑا شہر
طرابلس، لیبیا – لیبیا کا دارالحکومت
قارص – ترکی کا ایک شہر
قرطاجنہ – فونیقیوں کا قائم کردہ قدیم شہر، آج صرف کھنڈرات کی صورت میں باقی ہے
کنشاسا – عوامی جمہوریہ کانگو کا دارالحکومت
کیپ ٹاؤن – جنوبی افریقہ کا اہم شہر و بندرگاہ
لاس اینجلس – امریکہ کا مشہور شہر، تعلیمی و تفریحی لحاظ سے دنیا میں ممتاز مقام کا حامل
لاس ویگاس – امریکہ کا شہر، قمار بازی کے لحاظ سے دنیا بھر میں مشہور
لاگوس – نائجیریا کی اہم بندرگاہ و سابق دارالحکومت
ماسکو – روس کا دارالحکومت
مالدووا – مشرقی یورپ کا ایک ملک
میکسیکو شہر – میکسیکو کا دارالحکومت
نیروبی – کینیا کا دارالحکومت

تعمیرات

انگ کور واٹ – کمبوڈیا میں دنیا کے مشہور ترین مندروں میں سے ایک
بکنگھم محل – ملکہ برطانیہ کا محل

متفرق

آؤٹ لک – ہندوستانی جریدہ
افریقی اتحاد – افریقی ممالک کا اتحاد
انڈیا ٹوڈے – ہندوستانی جریدہ
انڈین نیشنل کانگریس – آزادئ ہند کے لیے جدوجہد کرنے والی ایک جماعت
اولمپک کھیل – دنیائے کھیل کے سب سے بڑے مقابلے
بانگ درا – علامہ اقبال کا مجموعۂ کلام
برطانوی نشریاتی ادارہ – برطانیہ کا سرکاری نشریاتی ادارہ بی بی سی
بھارتیہ جنتا پارٹی – بھارت کی اہم سیاسی جماعت
خلائی دوڑ – سرد جنگ کے ایام میں امریکہ اور سوویت اتحاد کے درمیان خلا میں —- کے لیے دوڑ
دی اکنامسٹ – برطانوی جریدہ
شاہی بحریہ – برطانیہ کی بحریہ
شاہی فضائیہ – برطانیہ کی فضائیہ
عربی حروف تہجی – عربی زبان کی ابجد
فارن پالیسی – امریکہ کا جریدہ
فہرست ام البلاد بلحاظ آبادی – دنیا بھر کے بڑے ام البلد (metropolitan areas) کی فہرست
فیفا عالمی کپ – اولمپک کے بعد دنیا کے دوسرے سب سے بڑے کھیلوں کے مقابلے
لائیکا – ایک روسی کتیا، خلا میں جانے والی پہلی جاندار
نیوزویک – امریکی جریدہ
وال اسٹریٹ – نیو یارک شہر کی اہم شاہراہ، کاروباری لحاظ سے دنیا بھر میں ممتاز مقام کی حامل
وال اسٹریٹ جرنل – امریکہ کا ایک اہم اخبار
ہیرلڈ – پاکستانی جریدہ
ہیری پوٹر – جادوگری پر مشہور ناولوں کا سلسلہ
یوٹیوب – مشہور ویب سائٹ

جغرافیہ

آبنائے تائیوان – چین اور تائیوان کو جدا کرنے والی آبی گزر گاہ
آبنائے ملاکا – دنیا کی بحری تجارت کے تین ممتاز ترین ناموں میں سے ایک، بحر ہند اور بحر الکاہل کو منسلک کرتی ہے،
اسیک کول – مشرقی کرغزستان کی ایک جھیل
اوقیانوسیہ – آسٹریلیا، نیو زیلینڈ اور بحر الکاہل کے جزائر پر مشتمل بر اعظم
بحیرہ – سمندر (Sea)
بحیرۂ بیرنٹس – شمالی یورپ کا ایک بحیرہ
بحیرۂ جنوبی چین – مشرقی ایشیا کا ایک سمندر
برساتی جنگل – Rain Forests پر ایک مقالہ
بیورنویا – شمالی بحر اوقیانوس کے جزائر
تیان شان – مشرقی چین میں ایک پہاڑی سلسلہ
جھیل البرٹ – افریقہ کی ایک جھیل
جھیل ایڈورڈ – افریقہ کی ایک جھیل
جھیل چاڈ – افریقہ کی ایک جھیل
جھیل کیوو – افریقہ کی ایک جھیل
جھیل ملاوی – افریقہ کی ایک جھیل
جھیل ٹانگانیکا – افریقہ کی ایک عظیم جھیل
جھیل ٹرکانا – افریقہ کی ایک جھیل
خلیج ہڈسن – کینیڈا کی ایک خلیج
دریائے کانگو – افریقہ کا ایک دریا
دریائے یانگزے – چین کا دریا، دنیا کے بڑے دریاؤں میں سے ایک
سوالبارد – شمالی یورپ کے جزائر
سینٹ لارنس بحری گزرگاہ – بحری جہازوں کو بحر اوقیانوس سے امریکہ و کینیڈا کے اندرونی علاقوں تک جانے کی سہولت دینے والی آبی گزر گاہ
صحرا – صحرا پر ایک مختصر سا مقالہ
کراکاٹوا – انڈونیشیا کا ایک آتش فشاں، جہاں تاریخ کا سب سے بڑا دھماکہ ہوا تھا
گریٹ بیریئر ریف – مشرقی آسٹریلیا کے ساحلوں پر مرجانی چٹانوں کا خوبصورت سلسلہ
نووایا زیملیا – قطب شمالی کے قریب روسی جزائر