اردو وکیپیڈیا پر تازہ سرگرمیاں
گزشتہ چند ہفتوں سے بلاگ سے غیر حاضری کی وجہ یہ تھی کہ بہت عرصے بلکہ سالوں کے بعد اردو وکیپیڈیا پر بھرپور انداز میں متحرک ہوا اور کافی مضامین تحریر کیے۔ فی الوقت مضامین لکھنے کا یہ سلسلہ بھرپور انداز میں جاری ہے، سنچری کے بعد ناٹ آؤٹ اننگ جاری ہے۔ ذیل میں حال ہی میں تحریر کردہ مضامین کی فہرست پیش کر رہا ہوں، امید ہے بہت سارے قارئین کے لیے کارآمد ہوں گے۔ مضامین کی یہ فہرست حروف تہجی کے اعتبار سے ترتیب دی گئی ہے۔ چند مضامین صرف ابتدائی صورت میں ہیں، ان میں وقتا فوقتا اضافہ کیا جاتا رہے گا۔ اس مرتبہ یہ فہرست کچھ زیادہ طوالت کا شکار ہے اس لیے اگر کوئی پڑھ پڑھ کر تھک جائے تو اس سے پیشگی معذرت۔
تاریخ
- امارت بخارا – وسط ایشیا کی ایک ریاست، 1785ء تا 1920ء
- پرل ہاربر حملہ – دوسری جنگ عظیم کا ایک اہم معرکہ، جنگ کا پانسہ پلٹنے میں اس معرکے کا اہم کردار تھا۔
- جنگ ویت نام – دور جدید کی ایک اہم جنگ، ویت نام میں اشتراکیوں کی فتح اور موجودہ ریاست کا قیام
- چنگ خاندان – یا مانچو خاندان، چین پر حکومت کرنے والا آخری خاندان
- خانان خیوہ – وسط ایشیا کی ایک سابق ریاست، 1511ء تا 1920ء
- خدیو – عثمانی عہد میں مصر کے والی کا لقب۔
- سیاہ موت – قرون وسطی میں یورپ میں طاعون کی ایک زبردست وبا، بڑے پیمانے پر ہلاکتوں کے باعث Black Death کے نام سے یاد کیا جاتا ہے۔
- عظیم کھیل – 19 ویں و 20 ویں صدی میں وسط ایشیا پر بالادستی کے لیے روس اور برطانیہ کے درمیان مسابقت کے بارے میں استعمال ہونے والی اصطلاح
- کساد عظیم – 1930ء کی دہائی میں امریکی و عالمی معیشت کا ایک زبردست بحران Great Depression
- محاصرۂ مالٹا – عثمانی ترکوں کی جانب سے بحیرہ روم کے جزیرے مالٹا کا ناکام محاصرہ
- معاہدۂ ورسائے – پہلی جنگ عظیم کے بعد جرمنی اور اتحادی قوتوں کے درمیان طے پانے والا معاہدہ
- نازی جرمنی – دوسری جنگ عظیم سے قبل نازی پارٹی اور ایڈولف ہٹلر کے زیر اقتدار جرمنی
- نشاۃ ثانیہ –قرون وسطی میں جہالت کے اندھیروں سے یورپ کی کروٹ، مغرب میں ایک نئے دور کا آغاز
شخصیات
- آندرے اگاسی – ٹینس کی دنیا کے معروف امریکی کھلاڑی
- ایو ساں لاریں – دنیائے فیشن کی مشہور شخصیت
- بورس بیکر – ٹینس کے معروف جرمن کھلاڑی
- جیسی اوونز – مشہور سیاہ فام کھلاڑی جنہوں نے نازی جرمنی میں ہونے والے اولمپک میں —- سونے کے تمغے جیتے
- جیمز کک – جہاز رانی اور مہم جوئی کی دنیا کا عظیم نام، کپتان نے آسٹریلیا اور نیو زیلینڈ سمیت بحر الکاہل کے کئی جزیرے دریافت کیے۔
- چودھری غلام محمد – جماعت اسلامی کے اولین رہنماؤں میں سے ایک
- عبد الحمید صدیقی – مترجم و مفسر قرآن، محقق
- فرڈیننڈ میگلان – پرتگیزی جہاز راں، دنیا کے گرد چکر کاٹنے والی مہم کے قائد، بحر الکاہل کا نام رکھا
- الفریڈ ہچکاک – مشہور برطانوی ہدایت کار، پر اسرار فلموں میں مایہ ناز مقام رکھتے ہیں
- کرسٹوفر لی – مشہور اداکار، جناح میں قائد اعظم کا کردار ادا کیا، حال ہی میں سر کے خطاب سے نوازے گئے۔
- ماؤ زے تنگ – عوامی جمہوریہ چین کے بانی، صدی کی 100 موثر ترین شخصیات میں سے ایک
- مارتینا نیوراتیلووا – بلاشبہ دنیائے ٹینس کی عظیم ترین خاتون کھلاڑی
- مارک ٹوین – مشہور امریکی مزاح نگار
- مارٹن لوتھر کنگ جونیئر – نسلی امتیاز کے خلاف جدوجہد کرنے والے عظیم سیاہ فام رہنما
- محمد عاکف ارصوی – ترکی کے شاعر اسلام اور موجودہ قومی ترانے کے خالق
- میری کیوری – عظیم خاتون سائنسدان
- میریلن مونرو – ہالی ووڈ کی معروف اداکارہ
- نادیہ کومانچی – ایتھلیٹکس کی دنیا کا مشہور نام
- نذیر احمد – سابق رکن قومی اسمبلی، جاگیرداروں کے ہاتھوں قتل ہوئے
- نکول کڈمین – ہالی ووڈ کی مشہور اداکارہ
- ولبھ بھائی پٹیل – آزادئ ہند کے لیے کام کرنے والے کانگریسی رہنما، بھارت کے پہلے وزیر داخلہ
- ولیم بیرنٹس – مشہور ولندیزی مہم جو اور جہاز راں
- ونسنٹ وان گوف – دنیا کے معروف ترین مصوروں میں سے ایک
- وولف گینگ موزارٹ – مشہور موسیقار
- ڈونلڈ بریڈمین – کرکٹ کی دنیا کے عظیم ترین بلے باز
- ڈیاگو میراڈونا – عظیم فٹ بال کھلاڑیوں میں سے ایک
- ڈیوڈ لونگ اسٹون – افریقہ میں مہم جوئی کرنے والی برطانوی شخصیت
- ہنری فورڈ – گاڑیاں بنانے میں انقلابی تبدیلیاں لانے والے، فورڈ کمپنی کے بانی
- یحییٰ کمال بیاتلی – عظیم ترک شاعر، پاکستان میں ترکی کے پہلے سفیر
- یوہانس گوٹن برگ – چھاپے خانے کے موجد
بلاد و اماکن
- برسلز – بیلجیئم کا دارالحکومت
- بیونس آئرس – ارجنٹائن کا دارالحکومت
- ترکی – ایشیا و یورپ کے سنگم پر واقع ایک اہم ملک
- تل ابیب – اسرائیل کا اہم ترین شہر
- تونس شہر – تونس کا دارالحکومت
- الجزائر شہر – الجزائر کا دارالحکومت
- ریو دے جینیرو – برازیل کا مشہور شہر
- ساؤ پالو – برازیل کا سب سے بڑا شہر
- طرابلس، لیبیا – لیبیا کا دارالحکومت
- قارص – ترکی کا ایک شہر
- قرطاجنہ – فونیقیوں کا قائم کردہ قدیم شہر، آج صرف کھنڈرات کی صورت میں باقی ہے
- کنشاسا – عوامی جمہوریہ کانگو کا دارالحکومت
- کیپ ٹاؤن – جنوبی افریقہ کا اہم شہر و بندرگاہ
- لاس اینجلس – امریکہ کا مشہور شہر، تعلیمی و تفریحی لحاظ سے دنیا میں ممتاز مقام کا حامل
- لاس ویگاس – امریکہ کا شہر، قمار بازی کے لحاظ سے دنیا بھر میں مشہور
- لاگوس – نائجیریا کی اہم بندرگاہ و سابق دارالحکومت
- ماسکو – روس کا دارالحکومت
- مالدووا – مشرقی یورپ کا ایک ملک
- میکسیکو شہر – میکسیکو کا دارالحکومت
- نیروبی – کینیا کا دارالحکومت
تعمیرات
- انگ کور واٹ – کمبوڈیا میں دنیا کے مشہور ترین مندروں میں سے ایک
- بکنگھم محل – ملکہ برطانیہ کا محل
متفرق
- آؤٹ لک – ہندوستانی جریدہ
- افریقی اتحاد – افریقی ممالک کا اتحاد
- انڈیا ٹوڈے – ہندوستانی جریدہ
- انڈین نیشنل کانگریس – آزادئ ہند کے لیے جدوجہد کرنے والی ایک جماعت
- اولمپک کھیل – دنیائے کھیل کے سب سے بڑے مقابلے
- بانگ درا – علامہ اقبال کا مجموعۂ کلام
- برطانوی نشریاتی ادارہ – برطانیہ کا سرکاری نشریاتی ادارہ بی بی سی
- بھارتیہ جنتا پارٹی – بھارت کی اہم سیاسی جماعت
- خلائی دوڑ – سرد جنگ کے ایام میں امریکہ اور سوویت اتحاد کے درمیان خلا میں —- کے لیے دوڑ
- دی اکنامسٹ – برطانوی جریدہ
- شاہی بحریہ – برطانیہ کی بحریہ
- شاہی فضائیہ – برطانیہ کی فضائیہ
- عربی حروف تہجی – عربی زبان کی ابجد
- فارن پالیسی – امریکہ کا جریدہ
- فہرست ام البلاد بلحاظ آبادی – دنیا بھر کے بڑے ام البلد (metropolitan areas) کی فہرست
- فیفا عالمی کپ – اولمپک کے بعد دنیا کے دوسرے سب سے بڑے کھیلوں کے مقابلے
- لائیکا – ایک روسی کتیا، خلا میں جانے والی پہلی جاندار
- نیوزویک – امریکی جریدہ
- وال اسٹریٹ – نیو یارک شہر کی اہم شاہراہ، کاروباری لحاظ سے دنیا بھر میں ممتاز مقام کی حامل
- وال اسٹریٹ جرنل – امریکہ کا ایک اہم اخبار
- ہیرلڈ – پاکستانی جریدہ
- ہیری پوٹر – جادوگری پر مشہور ناولوں کا سلسلہ
- یوٹیوب – مشہور ویب سائٹ
جغرافیہ
- آبنائے تائیوان – چین اور تائیوان کو جدا کرنے والی آبی گزر گاہ
- آبنائے ملاکا – دنیا کی بحری تجارت کے تین ممتاز ترین ناموں میں سے ایک، بحر ہند اور بحر الکاہل کو منسلک کرتی ہے،
- اسیک کول – مشرقی کرغزستان کی ایک جھیل
- اوقیانوسیہ – آسٹریلیا، نیو زیلینڈ اور بحر الکاہل کے جزائر پر مشتمل بر اعظم
- بحیرہ – سمندر (Sea)
- بحیرۂ بیرنٹس – شمالی یورپ کا ایک بحیرہ
- بحیرۂ جنوبی چین – مشرقی ایشیا کا ایک سمندر
- برساتی جنگل – Rain Forests پر ایک مقالہ
- بیورنویا – شمالی بحر اوقیانوس کے جزائر
- تیان شان – مشرقی چین میں ایک پہاڑی سلسلہ
- جھیل البرٹ – افریقہ کی ایک جھیل
- جھیل ایڈورڈ – افریقہ کی ایک جھیل
- جھیل چاڈ – افریقہ کی ایک جھیل
- جھیل کیوو – افریقہ کی ایک جھیل
- جھیل ملاوی – افریقہ کی ایک جھیل
- جھیل ٹانگانیکا – افریقہ کی ایک عظیم جھیل
- جھیل ٹرکانا – افریقہ کی ایک جھیل
- خلیج ہڈسن – کینیڈا کی ایک خلیج
- دریائے کانگو – افریقہ کا ایک دریا
- دریائے یانگزے – چین کا دریا، دنیا کے بڑے دریاؤں میں سے ایک
- سوالبارد – شمالی یورپ کے جزائر
- سینٹ لارنس بحری گزرگاہ – بحری جہازوں کو بحر اوقیانوس سے امریکہ و کینیڈا کے اندرونی علاقوں تک جانے کی سہولت دینے والی آبی گزر گاہ
- صحرا – صحرا پر ایک مختصر سا مقالہ
- کراکاٹوا – انڈونیشیا کا ایک آتش فشاں، جہاں تاریخ کا سب سے بڑا دھماکہ ہوا تھا
- گریٹ بیریئر ریف – مشرقی آسٹریلیا کے ساحلوں پر مرجانی چٹانوں کا خوبصورت سلسلہ
- نووایا زیملیا – قطب شمالی کے قریب روسی جزائر
ما شاء اللہ جناب آپ نے تو گویا حد ہی کردی.. ویسے عثمانی دور میں مصر کے حاکم کو خدیوی مصر کہتے تھے ناکہ خدیو مصر..
مکی بھائی آپ سے پہلی مرتبہ سن رہا ہوں، میں نے تو ہمیشہ کتابوں میں خدیو ہی پڑھا ہے۔
جناب ۔ جان کی امان پاؤں تو کچھ عرض کروں ۔ اسرائیل کی بنیاد پر میں نے سالہا سال مطالعہ کے بعد ایک مقالہ لکھا تھا جو یہاں موجود ہے
اگر پسند فرمائیں تو اسے اُردو وکیپیڈیا میں ڈال سکتے ہیں
محترم یہ “جان کی امان” وغیرہ کے الفاظ استعمال کر کے کیوں شرمندہ کرتے ہیں؟ ویسے کیا میں اتنا ظالم ہوں کہ لوگ جان کی امان مانگتے پھریں؟
مقالہ کا حوالہ دینے کا شکریہ، میں اس پر نظر ڈالتا ہوں۔
اتنا کام اور وہ بھی فی سبیل اللہ، مبارک ہو.
برادر! ہم تو سالوں سے یہ فی سبیل اللہ کر رہے ہیں، “نہ ستائش کی تمنا، نہ صلے کی پروا”۔
بس یہاں بلاگ پر یہ مضامین پیش کرنے کا مقصد یہ ہوتا ہے تاکہ اور لوگ بھی اس کار خیر میں اپنا حصہ ڈالیں۔
بہت خوب فہد بھائ،
ويسے خبريں يہاں بھی کافی گرم ہيں۔ جلد مل کر بتاوں گا۔
سلام
ثاقب! بلاگ پر خوش آمدید۔ جلد ملاقات کریں تاکہ وکی ملاقات کے معاملات کو بھی دیکھا جا سکے۔
ماشاء اللہ جناب.. آپ نے تو تباہی مچا دی. کافی سارے مضامین ہیں ختم کرنے میں وقت لگے گا لیکن چند شہروں کے مضامین پڑھیں ہیں مزہ آیا.
بہت شکریہ راشد بھائی۔ بس اپنی سی کوشش میں لگے ہوئے ہیں، ہو سکتا ہے کوئی وقت ایسا آئے جب وکیپیڈيا پر کام کے آپ جیسے قدر دان پیدا ہو جائیں۔ ابھی تو نیکیاں “اندھے کنویں” میں ڈال رہے ہیں۔
سبحان اللہ۔ لگے رہو فہد بھائی۔
ہم تو سالوں سے لگے ہوئے ہیں حضور، بس آپ جیسے صاحب علم ساتھیوں کی آمد کے منتظر ہیں۔
جناب وکیپیڈیا پر ڈفالٹ فانٹ جمیل نوری نستعلیق کیسے کروں؟ میل پر جواب دے دیں تو بہتر ہے۔
آپ کو بذریعہ میل جواب دیتا ہوں۔ انتظار کیجیے
ماشاء اللہ تبارک اللہ
دل خوش کردیا فہد بھائی
بہت شکریہ راسخ۔ آپ کو خوشی ہوئی ہمارے دن کو سکون نصیب ہو گیا۔
میں نے وکیپیڈیا میں ہو رہی حالیہ تبدیلیوں کی فیڈ ماورائی فیڈر میں بھی شامل کر دی ہے. اللہ آپ کی گراں قدر کاوشوں کو ثمر آور کرے.
http://feed.ibnesayeed.com
آپ جیسے ساتھیوں کی دعائیں شامل ہیں حال ہیں تبھی ہمت بندھی رہتی ہے، ورنہ کہاں ہم اور کہاں مستقل مزاجی
السلام علیکم۔
یوں تو لکھنے کے لیے کوئی خاص بات ذہن میں نہیں آ رہی لیکن چونکہ عموماً اردو وکی پیڈیا پر کام کرنے والوں کی لوگ حوصلہ شکنی کرتے رہتے ہیں تو میں نے آپ کی حوصلہ افزائی کے لیے تبصرہ کرنا ضروری سمجھا۔ اردو زبان میں علمی مضامین کا ذخیرہ بڑھانے کے لیے اتنا زیادہ کام کرنے پر میری طرف سے بھی مبارک ہو۔
وکیپیڈیا پر ہو رہے کام کو ہمیشہ سراہا گیا ہے بس ذرا وہاں مستعمل زبان کے حوالے سے تلخیاں رہی ہیں.
یہ بہت لمبی بحث ہے جو میرے بلاگ پر ہی بہت زیادہ ہو چکی ہے۔ اس تمام بحث کے باوجود میں یہ سمجھتا ہوں کہ متنازع معاملات سے ہٹ کر وہاں کرنے کو بہت کچھ ہے۔ اس کام کو آگے بڑھایا جائے تو اردو کو اہم ترین مواد دستیاب ہو سکتا ہے۔
وعلیکم السلام برادر، مجھے بہت خوشی ہوئی۔ میں پہلے بھی کئی جگہ کہہ چکا ہوں کہ ہمیں تو ستائش کی تمنا ہے نہ صلے کی پروا لیکن اس کے باوجود یہ کہنا ضروری سمجھوں گا کہ حوصلہ افزائی واقعی بہت ہمت بڑھاتی ہے۔ آپ کا بہت شکریہ
اردو کی اتنی خدمت اللہ آپ کو ہمیشہ آباد رکھے اور آپ کو مزید حوصلہ عطا فرمائے مزید ایسے نوجوانوں کا ساتھ اور مزید وقت دینا نصیب فرمائے
آمین
آمین ۔۔۔ حوصلہ افزائی کا شکریہ طارق
پرل ہاربر حملہ اس کو میں ڈھونڈ ڈھونڈ کر تھک گیا تھا.
اب ملا ہے
پرل ہاربر جدید تاریخ کا ایک ایسا اہم واقعہ ہے جس پر بہت زیادہ تفصیلات کے ساتھ لکھا جانا چاہیے لیکن وقت کی کمی اور دیگر کاموں کے باعث تفصیلی طور پر لکھنا ممکن نہیں۔ میری کوشش ہے کہ فی الوقت صرف ابتدائیوں پر مشتمل 50 ہزار مضامین اردو میں دستیاب ہو جائیں اس کے بعد ان میں تفصیلات شامل کرنے کا کام کیا جائے۔ دیکھیں اس خواب کی تعبیر میں کتنے سال لگتے ہیں:) ۔